අපේ ජීවිත

මහන්සියෙන් ගොඩනැගුව

විඳින්නට බැරි වෙච්ච

විඳවන්න හුරු වෙච්ච

ලස්සනයිලු ජීවිතය…..

නොනිමි වැඩ කන්දක

වැඩ මුරය අට පහට

මැෂිමකට සින්නක්කර

ලිව්වා අපි ජීවිතය……

හැමදාම එක දිගට

වැඩ එක්ක පොර බැද්ද

මැෂින් නම් දිව්වාට

දිරුවා අපේ ජීවිතය…..

මහවැලිය වගේ දිගට

එක පිටම එන ප්‍රශ්න

විසඳුමක් නැතුව අද

හිරවෙලා ජීවිතය…….

අපි හිටිය නැති වුවද

මැෂින් වැඩ එක දිගට

හුස්මද තව බරක් කර

ගෙවෙනවා ජීවිතය……