උපන්දිනේට විෂ් කරන්න පරණ යාලුවෙක් කෝල් එකක් දුන්නා. ආගිය විස්තර කතා කරද්දි පොර කියනවා.
” මේ දවස්වල පට්ට මහන්සියි බං. හැමදාම ඔෆිස් ඉවරවෙලා මහ ගෙදර යනවා. තාත්තා ලෙඩ වෙලා බං හොඳටම. මම හැමදාම යනවා මහ ගෙදර. (යාලුවගෙ ගෙදර ඉඳලා මහ ගෙදරට 100කි.මි විතර තියෙනවා)
“මට පට්ට දුකයි බං තාත්තව දැක්කම දැන්. උබ දන්නවනෙ තාත්තා හිටපු හැටි.” (මට හොඳට මතකයි අංකල්ව. ඒ කාලෙ සිංහයා වගේ. පට්ටම පර්සැනැලිටි එකක් තිබුනෙ)
ඒ දෙන්නා දැන් වයසට යන එක දැක්කම මට පට්ට අවුල් බං
පුතාගෙ සිතුවිලි!
හිටියා ඇතෙක් මුලු කැලයක් හොල්ලගෙන
තෙදැස තිබුනි මුලු කැලයක් දණ නවන
ගත වැහැරිලා ඇතත් හිත තවමත් තරුණ
නැවතුනි පපුව කඳුලු බිඳක් ඇසට උන
තාත්තාගෙ සිතුවිලි!
පිපෙන මලක් පරවෙයී ඒ ලොව දහම
මටත් පොදුයි ඒකට අවනතයි මම
ප්‍රගුණ කරත් මම නම් මේ අත්හැරුම
කොහොමද පුතේ අත්හරින්නෙ උඹව මම
"රස්තියාදුකාර ඇදුරුතුමා" 